အာဆီယံနိုင်ငံများကြား ဆိုက်ဘာတိုက်ခိုက်မှုဖြစ်စဉ်များ ကိုင်တွယ်ဖြေရှင်းရာတွင် ဆိုက်ဘာလုံခြုံရေးနှင့်ပတ်သက်၍ ပိုမိုကြိုတင်ပြင်ဆင်ထားမှု ရှိစေရန်၊ အာဆီယံနိုင်ငံများ၏ အမျိုးသားအဆင့် CERT များ၏ ဆိုက်ဘာတိုက်ခိုက်မှုဖြစ်စဉ် တုံ့ပြန်ခြင်းဆိုင်ရာ အရည်အချင်းများအား စမ်းသပ်နိုင်ရန်အတွက် ဒေသတွင်း ပူးပေါင်းညှိနှိုင်းဆောင်ရွက်သည့် လေ့ကျင့်ခန်းများ ပိုမိုဆောင်ရွက်နိုင်ရန်၊ ဆိုက်ဘာလုံခြုံရေးနယ်ပယ်တွင် Dialogue Partner များနှင့် ပူးပေါင်းဆောင်ရွက်မှု အားကောင်းလာစေရန် ရည်ရွယ်၍ (၄-၉-၂၀၁၉)ရက်နေ့တွင် "ACID - Combat Evolving Cyber Threats with Good Cyber Hygiene" အားလေ့ကျင့်ဆောင်ရွက်ကြရာ အမျိုးသားဆိုက်ဘာလုံခြုံရေးဗဟိုဌာနမှ ဝန်ထမ်းများ ပါဝင်ဆောင်ရွက်ခဲ့ကြကြောင်း သတင်းရရှိပါသည်။

          အဆိုပါလေ့ကျင့်ခန်းတွင် Business Email များ ဖောက်ထွင်းခံရခြင်းမှတဆင့် ငွေကြးလိမ်လည်မှုများကို စုံစမ်းစစ်ဆေးရခြင်းဖြစ်ပြီး ဟက်ကာများ အသုံးပြုသော နည်းလမ်းများနှင့် သဲလွန်စများကို ဖော်ထုတ်ရပြီး ရာဇဝတ်မှုများ ဆက်လက်မကျူးလွန်နိုင်ရေးအတွက် ပူးပေါင်းဆောင်ရွက်ရခြင်း ဖြစ်ပါသည်။