နေပြည်တော်၊ အောက်တိုဘာ ၂၅

          ပို့ဆောင်ရေးနှင့်ဆက်သွယ်ရေးဝန်ကြီးဌာန၊ သတင်းအချက်အလက်နည်းပညာနှင့် ဆိုက်ဘာလုံခြုံရေးဦးစီးဌာနသို့ ရန်ကုန်အနောက်ပိုင်းနည်းပညာတက္ကသိုလ်၊ သုတနည်းပညာအင်ဂျင်နီယာဌာနမှ ပထမနှစ် ကျောင်းသား၊ ကျောင်းသူ (၂၇)ဦး၊ တတိယနှစ်မှ ကျောင်းသား၊ ကျောင်းသူ (၄၁)ဦးတို့သည် လက်တွေ့ကွင်းဆင်းလေ့လာရန် (၂၄-၁၀-၂၀၁၉)ရက်နေ့တွင် ရောက်ရှိလာကြရာ သတင်းအချက်အလက်နည်းပညာနှင့် ဆိုက်ဘာလုံခြုံရေးဦးစီးဌာန၊ e-Government ဌာနမှ ညွှန်ကြားရေးမှူး ဒေါ်နွယ်နီစိုးရင်က အဖွင့်အမှာစကားပြောကြားခဲ့ပါသည်။

          (၂၄-၁၀-၂၀၁၉)ရက်နေ့ နံနက်ပိုင်းတွင် e-Government ဌာနမှ လက်ထောက်ညွှန်ကြားရေးမှူး ဦးမျိုးမင်းထွန်းက "e-Government System and Data Center" ခေါင်းစဉ်အား လည်းကောင်း၊ အငယ်တန်းအင်ဂျင်နီယာ-၁ ဒေါ်ခင်သန္တာဆင့်က "Electronic Document Management System (EDMS)" ခေါင်းစဉ်အားလည်းကောင်း ရှင်းလင်းပြောကြားခဲ့ပါသည်။

          (၂၄-၁၀-၂၀၁၉)ရက်နေ့ နေ့လည်ပိုင်းတွင် အမျိုးသားဆိုက်ဘာလုံခြုံရေးဗဟိုဌာနမှ ဒုတိယညွှန်ကြားရေးမှူး ဦးရန်နောင်စိုးက "Cyber Security Status of Myanmar" ခေါင်းစဉ်အား လည်းကောင်း၊ ဦးစီးအရာရှိ ဒေါ်အေးမြတ်သန္တာက "A Closer Look at Ransomware" ခေါင်းစဉ်အားလည်းကောင်း ရှင်းလင်းပြောကြားခဲ့ပါသည်။

          (၂၅-၁၀-၂၀၁၉)ရက်နေ့တွင် အမျိုးသားဆိုက်ဘာလုံခြုံရေးဗဟိုဌာနမှ ဦးစီးအရာရှိ ဦးပြည့်စုံလှိုင်က "Introduction to Social Engineering" ခေါင်းစဉ်အားလည်းကောင်း၊ ဦးစီးအရာရှိ ဒေါ်လဝန်းရည်က "Introduction to IDS and IPS" ခေါင်းစဉ်အားလည်းကောင်း၊ လက်ထောက်ညွှန်ကြားရေးမှူး ဦးမျိုးမြင့်ထိုက်က "Basic Malware Analysis (Static and Dynamic" ခေါင်းစဉ်အားလည်းကောင်း ရှင်းလင်းပြောကြားခဲ့ကြောင်း သတင်းရရှိပါသည်။